Greinasafn fyrir flokkinn: Fréttir

Windows 10 – Innskráning í fyrsta skipti

Undanfarnar vikur hef ég verið að uppfæra tölvur Hrafnagilsskóla úr Windows 7 í Windows 10. Við þessa innleiðingu rekst maður á einföld atriði sem vefjast fyrir notendum í fyrsta skipti.  Ég útbjó því myndband sem sýnir einföldustu atriði sem gott er að hafa í huga þegar maður innskráir sig í Windows 10 tölvu.

Í þessu myndbandi sýni ég einnig hvernig maður getur nýtt tvö einföld forrit sem fylgja Windows 10 en það eru forrit fyrir póst og dagatöl.  Bæði þessi forrit vinna í bakgrunni og því gott t.d. ef maður notar mikið dagatöl (t.d. Google Calendar). Maður fær þá áminningarnar án þess að vera með þessi forrit opin.

Vonandi hjálpar þetta myndband einhverjum.

Flubaroo breytir Google Forms í krossapróf

Í gær ræddi ég við vin minn Ingva Hrannar, kennara á Sauðárkróki um kennslu og Google Apps. Í lok spjallsins frussuðum við útúr okkur alls konar fróðleik um tæki og tól fyrir kennslu sem við höfðum rekist á að undanförnu. Eitt þeirra sem Ingvi nefndi var Flubaroo.

Í Google Apps eru ýmis forrit og meðal þeirra er Google Forms.  Google Forms er eitt af mínum uppáhalds verkfærum í Google Apps og frábært í allar kannanir og aðra upplýsingaöflun hver svo sem hún er.  Öll svör fara úr Forms yfir í töflureikni sem býður svo upp á margs konar tölfræði.

Flubaroo er ókeypis viðbót (addon) við Google spreadsheet. Þegar allir hafa lokið við að svara prófinu (kennarinn meðtalinn) er einfaldlega farið í viðtætur og Flubaroo valin. Í tveimur til þremur skrefum er maður kominn með útfyllt próf með öllum þeim niðurstöðum sem maður vill fá úr prófum. Ég er búinn að prófa virkni þessarar viðbótar og verð að segja að eins einfalt og það lítur út fyrir að nota Flubaroo á myndbandinu hér að neðan þá sýnir það nákvæmlega hve einfalt og þægilegt það er.

Búðu til námsefni með Wikipedia

Var að uppgötva um daginn að það er hægt að búa til bækur eða ritsafn úr efni Wikipedia. Þessi möguleiki hefur víst verið til í nokkur ár en farið alfarið framhjá mér. Ég bjó til smá leiðbeiningar fyrir þá sem hafa hugsanlega ekki uppgötvað þennan möguleika. Afsakið skelfileg hljóðgæði.

Vélritun og fingrasetning

Fyrir nokkru var til fingrakennsluforrit sem nefndist Ritfinnur.  Forritið var sett upp á server og var það svo tengt við allar tölvur í skólanum. Auk þess að halda utan um allar æfingar nemenda og framfarir. Í því var bæði grunnþjálfun á heimalykla og stærri ritunaræfingar.  Kennarinn var með sérstakt svæði með yfirliti yfir árangur og framfarir. Ritfinnur er forrit sem enn er þróað af fyrirtækinu De Marque og nefnist á ensku Typingpal. Þeir bjóða bara ekki lengur upp á lausnir fyrir Ísland. Halda áfram að lesa